на сайте online

Сейчас 68 гостей онлайн
Нет

Технологической но профессиональной тодон-валан басьтонлэн теориезъя но методикаезъя кафедра


УдГУ-ысь технологической но профессиональной тодон-валан басьтонлэн теориезъя но методикаезъя кафедра усьтэмын вал 25 ар талэсь азьло. Сое усьтыны кичолтись но та ужез радъясь луиз Удмурт госуниверситетлэн нырысети ректорез, Ижевск городлэн Дано гражданинэз Борис Николаевич Шульга (1926-2002). Кафедраысь ваньмызлэн преподавательёслэн бадзым ужан опытсы. Туннэ нуналэ татын ужало 2 профессоръёс но 5 доцентъёс. Сизьым адямиос наукаосъя кандидатъёс но одигез наукаосъя доктор луо. Та дыре кафедраен кивалтэ педагогикая наукаосъя кандидат, доцент А.Е.Причинин. Кафедраысь преподавательёсын печатламын наукаен герзаське 500-лэсь ятыр ужъёс, басьтэмын 68 автор свидетельствоос но изобретениослы патентъёс. Кафедраысь преподавательёс полын уно Россиысь но Удмурт Элькунысь вузъёс полын портэм конкурсъёсын но чошатсконъёсын вормемъёс но лауреатъёс. Берло сизьым аръёсы гинэ азинлыко утемын ньыль кандидатской но одиг докторской диссертациос.

collective

Кафедра зеч кусып возе Россиысь усто ужась вузъёсын, пыриське портэм чошатсконъёсы. Кылдытэмын устоесь лабораториос: электрорадиотехникая, мультимедиая, вычислительной техникая, декоративно-прикладной творчествоя - ваньзы соос юртто студентъёслы муресь тодон-валанъёс басьтыны, портэм чошатсконъёсын (республиканской, российской но международной конкурсъёсын) вормисе потыны, лауреатлэсь нимзэ басьтыны. Тросэз преподавательёс пусъемын Росси Федерациысь Калыкез дышетонъя министерстволэн Почёт грамотаосыныз.

Дышетсконзэс йылпумъяса улонзэс азьланяз но наукаен герзаны мылкыд карем выпускникъёс дышетсконзэс азинтыны быгато магистратураын - инновационной педагогической но профессиональной тодон-валан профильёсъя яке аспирантураын - педагогикая но психологияя.

Та дыре кафедра студентъёсты дышетэ-дася таче направлениосъя:

  1. Педагогическое образование - бакалавриат («Технология» но «Информатика» огазеям профильёсъя).
  2. Профессиональное обучение - бакалавриат («Информатика и вычислительная техника» профилья).
  3. Педагогическое образование - магистратура («Инновационное педагогическое образование» профилья).
  4. Профессиональное обучение - магистратура («Инновационное профессиональное обучение» профилья).


Наукаен ужан

Наукалэн азинскемезлэн валтись интыосыз


Культурно-технологической ужъя стационарлэсь палэнын инновационной тодон-валан басьтонэз аксиологической амалъёсъя моделировать карон


ТМТПО кафедралэн наукая ужамезлэн валтись удысъёсыз:

  1. туала культурно-технологической средаын юн азинсконлэн субъектэз;
  2. инновационной тодон-валанлэн теориез но методологиез;
  3. технологияя тодон-валанлэн методология инъетъёсыз, солэн пуштросэзъя проектированилэн но жог воштиськись культурно-технологической средаын понятийной аппаратэз кылдытонлэн концепциоссы;
  4. дышетскисьёслэсь поликультурной средаын технологияя культуразэс кылдытонын дидактияя луонлыкъёс;
  5. дышетисьлэсь профессиезлэсь педагогикая культуразэ но компетенцизэ жутонын ужпумъёс;
  6. дышетскисьёслэсь но студентъёслэсь информационной культуразэс азинтыны луонлыкъёс;
  7. проектъёс лэсьтон удысын технология кылдытон;
  8. технологияя но дышетон амалъёсты проектированиын ужпумъёс;
  9. жог воштиськись социокультурной средаын выли тодон-валан басьтонъя программаез проектировать каронлэн методикаез;
  10. дышетскисьёслэсь асьсэ коже тодон-валан басьтонзэс эскерон;
  11. дышетскисьёслэсь ма понна дышетскемзэс - мотивацизэс жутон вылысь дидактической усовиосты эскертон;
  12. дышетскисьёслэсь улонын ас интызэс шедьтыны юрттон;
  13. студентъёсты дасянын исследовательско-проектной подходъёсты уже пычатонлэн методикаез;
  14. дышетскисьёслы но студентъёслы ужбергатон удысын ужаны быгатонлыкъёссэс усьтыны-азинтыны луонлыкъёс кылдытон.


Кафедраысь преподавательёсын пыр-поч дасямын 30-лэсь ятыр дышетскон (авторской) курсъёс. Соос лыдын:

  1. Интеллектуальной собственностья правоез утён.
  2. Проектъя ужлэн но творчестволэн инъетъёсыз.
  3. Огъя технология.
  4. Инноватика.
  5. Технологияя культуралэн инъетъёсыз.
  6. Биржая технологилэн инъетъёсыз.
  7. Тодон-валан басьтонлэн методологиез.
  8. Дышетон амалъёсты проектировать карон.
  9. Информация утчан но сое обработать карон;
  10. Дышетонлы дунъет сётонъя туала амалъёс.
  11. Техникая творчестволэн психологиез.
  12. Художественно-конструкторской задачаосты утчанъя но быдэстонъя технологиос.
  13. Эстетика но дизайн.
  14. Технической системаосты моделировать но конструировать карон.
  15. Проектъёсты лэсьтонын ЭВМ-ез кутон.
  16. Туала информационно-технологической культура.
  17. Деловой отношениослэн этиказы.
  18. Дышетонын технической но аудиовизуальной ужтирлыкъёс.
  19. Инновацияя ужлэн инъетъёсыз.
  20. Социальной экология.
  21. Дышетон технологиез проектировать карон.
  22. Инновацияя дышетонлэн теоретико-методологической инъетъёсыз.
  23. Наукаын но дышетонын инновацияя технологиос.
  24. Наукаын но дышетонын информационно-коммуникационной
  25. технологиос.
  26. Дышетонын прогноз но проек лэсьтон.
  27. Дышетон удысэз пректировать карон.
  28. Системной анализлэн инъетъёсыз.
  29. Дышетонлэн зечлыкеныз кивалтонлэн инъетъёсыз.
  30. Педагогикая антропология.
  31. Тодон-валан сётонлэн аксиологиез.
  32. Педагогической творчестволэн амалъёсыз.
  33. Астэ ачид дышетонлэн технологиез.
  34. Асьме дорысь но кунгож сьорысь школаослэн педагогикая выль амалъёссы-инновациоссы.
  35. Тодон-валан сётонын бизнес-процесъёслэн инъетсы.
  36. Тодон-валан сётонын маркетинг но мукетъёсыз.


Берло дас аръёсы кафедра жог но зеч азинске кык направления:

  • кылдытэмын, эскертэмын но улонэ пычатиське выль удысъёсты усьтонъя технология - «изобретениослэн фабриказы»;
  • кылдытэмын, эскертэмын но улонэ пычатыны дасямын адямилэсь творческой малпаськонзэ жутонъя программа - «изобретательёслэн фабриказы».


Кафедраен кылдытэм но эскертэм люкетъёс-разделъёс туж портэмесь.


СТУДЕНТЪЁСЛЭН УЛОНЗЫ

Кафедраысь студентъёслы бадзымесь луонлыкъёс кылдытэмын, соос асьсэлэсь быгатонлыкъёссэс паськыт но шара усьтыны мед быгатозы шуыса:

  • кылдытэмын но азинлыко ужа ИППСТ-ысь студентъёслэн кенешсы;
  • студентъёс мылысь-кыдысь пырисько КВН-лэн командаяз;
  • гужем толэзьёсы луонлыксы вань ужаны но шутэтскыны Сьод зарезь дурын, озьы ик - кунгож сьорын - Европаын но США-ын;
  • студентъёслэн луонлыксы вань турклубен радъям портэм походъёсы ветлыса но зеч шутэтскыны;
  • гужем толэзьёсы проводникъёслэн, педагогъёслэн но лэсьтиськисьёслэн отрядъёсазы ужаны;
  • спортъя секциосы ветлыны но озьы ик портэм чошатсконъёсы пыриськыны;
  • инкуазен сётэм быгатонлыкъёстэ университетлэн сцена вылаз возьматыны;
  • студентъёслэн радиоязы но газетъёсазы ужаны;
  • кибашлыослэн киужъёсынызы ялан ужась выставкаосвы пыриськыны.
 
Russian (CIS)English (United Kingdom)French (Fr)Udmurtian (CIS)

Объявления

Архив объявлений

Новости сайта

Случайное фото

Опрос

Зачем поступать в магистратуру?
 

Яндекс цитирования

Яндекс для сайта ТМТПО